Зад Аголот Екипа е името на скопскиот хип-хоп состав кој на домашната сцена официјално се појавува во 2011 година. Длабока Трага, Свп, Гочка, Контра Напад, Паки, Дј Илиќ се имињата на продуцентите, бендовите и диџеите кои стојат зад името - Зад Аголот. Иако како засебни имиња постојат на сцената некое време, некои подолго, некои пократко, меѓусебната поврзаност на приватен план, како и неколкуте заеднички неофицијални проекти и соработки дадоа поттик да се оформи овој тим. Пред да постои Зад Аголот Екипа, постои Зад Аголот Продукција, основана од Марко Свп (2002), Даре од Длабока Трага (кој исто така е и водител на емисијата за хип-хоп и фанк - "The Lost Tapes" на радио МОФ), и Ване од Контра Напад. Оваа продукција има продуцирано за повеќето македонски рап артисти како: Свп, Стр2, Струја, Блажеј, Контра Напад, Деки 02, Екипата, Тхц, Исток Запад, Длабока Трага, Римиски Масив, Хроник & Ел Борачо, Алфа, Дудо, Непристоен Предлог, Кискинов, Лд Пистолеро, Ајс и Гајка, Сиги и многу други.. Зад Аголот официјално да се оформи како екипа започна со изработка на првиот официјален проект под ова име насловен "Чувај Го Вистинко Волу.1", целосно изработен од продуцентите на овој состав, кои се погрижија за инструменталниот и аранжманскиот дел. За миксот и мастерот е одговорен Јан Зоо, Ниш, Србија, а за дизајнот на омотот - Марјан Димиќ. Попратно со тоа, се започна и проектот "Зад Аголот Хроники: Клупата е дама", мини серијал од 6 епизоди, видео записи на песни кои можат да се најдат на албумот. Како овие, така и сите видеа на артистите од оваа екипа се изреализирани од "Покрај Бренсис Видео Обработка" (Бранко Блажевски), освен "Ти Треба Срце" и "Љубов и Почит".
Овој проект се покажа како доста успешен, како за промовирање на екипата пред македонската јавност, така и за презентирање на македонскиот хип-хоп пошироко. Како позначајни настапи на Зад Аголот Екипа во својот комплетен состав може да се споменат Пиволенд 2011&2012, ХипХоп Камп - Охрид 2012, ШтипХопФест 2012, Баскер Фест - Скопје 2013, Refresh Fest - Скопје 2013, Струмица Open Festival 2013, и секако првиот самостоен концерт во денсинг салата на МКЦ април 2013 "Ќе дојдеш ли на рандеву?".. Како засебни артисти имаат настапувано во поголемиот дел од скопските локали, како и други македонски градови, презентирајќи го својот материјал пред верната публика. Очекувајте го вториот албум на Зад Аголот наскоро!
...............................................................................................
ЗАД АГОЛОТ изданија:
* Зад Аголот - "Чувај го Вистинко Волу.1" - издаден 08.06.2012
* Длабока Трага - "Никогаш Исто" - издаден 21.12.2012
* Римиски Масив - "Атељето на уметникот" - издаден 22.03.2013

Facebook - https://www.facebook.com/zadagolot
Bandcamp - http://zadagolot.bandcamp.com/ Read more on Last.fm. User-contributed text is available under the Creative Commons By-SA License; additional terms may apply.