Darri er ungur maður, (f. 1991) sem aðhyllist tónlistarstefnuna hiphop. Þó eru áhrifavaldar hans að miklu tónlistarmenn sálartónlistar, djass eða jafnvel fönk. Skáld hin flóknustu hafa einnig haft áhrif á þennan unga mann. Menn sem bera viðurnefni sem hefst á orðunum "lil'" eða "young" hafa haft lítil sem engin áhrif á tónlistarsköpun hans.

Darri aðhyllist hálfgerða endurreisnarstefnu hiphops, þar sem litið er til baka til gullaldaráranna með mikilli nostalgíu og fortíðarþrá.

Darri ber heldur ekki rappnafn, einungis Darri. Aðspurður segir hann; "tja, flest rappnöfn eru bara svo kjánaleg. Mér datt ekkert sniðugt í hug. Svo finnst mér óþægilegt þegar fólk kemur til mín og segir 'YOOOYOYO MC MANNVITSBREKKA'eða eitthvað slíkt. Það er bara viðbjóður. 'YOYOYO DARRI' er miklu bærilegra. Annars pældi ég í einhverju sniðugu. Meis-Darri, eða Flo-darri, jafnvel Yd-darri eða Rid-darri. Mögulega Hei-darri-en-þú eða Sæ-darri-en-þú. 'Hey hefuru heyrt nýja lagið með Sæ-darri en þú?' og gellan segir 'HA? Hver er sætari en ég? Vá ég hata þig'. Þá kem ég og næ í hana. Hams!"

Darri sveiflar penna og flytur brag sinn ásamt því að hljóðsmala, þrýsta á vel völdum tökkum og mynda prýðilega takta. Darri kemur frá Akureyri, og er ágætlega þekktur á sínum heimaslóðum. Hann hefur hitað upp fyrir t.a.m. Fræ, spilað við vígslu húsa, unnið "skemmtilegasta atriðið" á Stiðarvauki (MA), flutt ýmis ljóðaslömm og rappað fyrir viðstadda um víðan völl. Hans fyrsta lag, 'engum líkur', gert í byrjun árs 2004 (12 að verða 13 ára) fékk að hljóma í ófáum viðtækjum Akureyringa en er það lag fyrirlitið af honum sjálfum, enda ungur að aldri og hafði varla rappað fyrir nokkuð mann við upptökur á þessu lagi. Dró það lag talsvert úr honum, en lögin héldu áfram að verða til í smiðju hans en ekkert kom út. Árið 2007 þaut lagið 'svell er á gnípu' um veraldarvefinn. Lag gert fyrir jarðfræðiáfanga og uppskar 10 í einkunn, var það eitt af örfáum jarðfræðiverkefnum frá upphafi Menntaskólans á Akureyri til að fá 10 í einkunn.
Hann hefur hafið störf með Skyttumeðlimnum knáa Sadjei og stefnir á að gefa Akureyri eitthvað bitastætt á komandi mánuðum.

Read more on Last.fm. User-contributed text is available under the Creative Commons By-SA License; additional terms may apply.